Törkiyä ilbaşı Räcäp Tayyip Ärdoğan Törkiyägä räsmi säfär belän kilgän Bosniä-Gerśegovina İlbaşı idaräse şurası räise Denis Beçiroviçnı räsmi tantana belän qarşı aldı.

Qarşılaw tantanası İstanbuldağı Dolmabahçe İlbaşı idaräse ofisında uzdı. Tantanadan soñ söyläşü ütkärelde.

İlbaşı idaräseneñ êlemtä räislege tarafınnan Törkiyäneñ “NSosyal” sotśial' media platforması aşa yasalğan belderüdä, taraflarnıñ regional' mäs'älälärne häm Törkiyä belän Bosniä-Gerśegovina arasındağı mönäsäbätlärne qarawı äytelde.

Ärdoğan söyläşüdä Törkiyäneñ Bosniä-Gerśegovinanıñ möstäqilläge, territorial' bötenlege häm konstituśion tärtibenä şartsız räweştä yärdäm itüne däwam itäçägen belderde.

Töbäkneñ yaña macaralarğa sabırı qalmawın assızıqlağan Ärdoğan, Bosniä-Gerśegovinanıñ berdämlegen maqsat itep alğan qotırtuçı süzlärneñ berkemgä dä fayda kitermäyäçägen äytte.

Törkiyä ilbaşı Bosniä-Gerśegovinanıñ bötenlegen yaqlawçılarnıñ berlektä xäräkät itüe härwaqıttan da möhimräk buluına basım yasadı.

Bosniä-Gerśegovina İlbaşı idaräse şurası ber boşniyale, ber xorvat häm ber serb bulğan öç äğzadan tora.