Tunista universitetnı tämamlağan êşsez yegetlär häm qızlar ozaq waqıt êşsez bulğan keşelärne däwlät tarmağında êş belän täêmin itüne küzdä totuçı 18 nomerlı qanunnı tormışqa aşıru taläbe belän protestlar oyıştırdı.

17 vilayättä uzğan çaralarda êşsez yäşlär gubernatorlıklar häm mäğärif mödirleklläre aldında cıyıldılar.

Binzert vilayätendä unlağan protestçı “Êş, irek, milli namus” häm “Êşkä alu — xoquq” digän şiğarlär qıçqırdı.

Universitetnı beterüçelärneñ Milli koordinatorı Kärim Tura bolay dide: “18 nomerlı qanun ozaq waqıt êşsez bulğan keşelärne êş belän täêmin itüne küzdä tota. Qanun tormışqa aşırılmıy, läkin säbäbe finans citmäw tügel. Çönki finans kön sayın başqa närsälärgä bülep birelä.”

Başqaladağı çaranıñ koordinatorı bulğan Xasuna Kafsavi beldergänçä, protestçılar bügen üz taläplären turıdan-turı İlbaşı idaräsenä citkerü maqsatı belän Kartaca sarayına barırğa teläde.

İminlek köçläre protestçılarnıñ İlbaşı idaräsenä yaqınayuına röxsät birmägän.

Universitetnı tämamlawçılar 1 sentyabrda da başqaladağı xökümät binası urnaşqan Kasba rayonında protest çarası ütkärgän ide.