Yaponiyäneñ tönyağındağı tawlı töbäklärgä ayu höcümnäre sanı artuğa qarşı köräş çaraları qısalarında 800 kamera urnaştırılaçaq.

Äylänä-tirä moxit ministrlığı “AFP “agentlığına xäbär itüençä, apreldän birle Toxoku töbägendä ayu höcümnäre näticäsendä 5 keşe hälaq bulğan, şulay uq ber şikle ülem oçrağı tikşerelä.

Uzğan yıl Yaponiyädä ayu höcümnärennän 13 keşe hälaq bulğan.

İldä  ayu höcümnäre sanı artuğa qarşı köräşü öçen  berniçä ay êlek yasalma intellekt yärdämendä küzätü sisteması êşli başlağan.

Sistema qayber toraq punktları yanında, tawlı töbäklärdä häm yılğa yarları buylap urnaştırılğan kameralardan  räsemnär cıya.

Kameralar ayu barlığın bilgeläw belän  sistema avtomatik räweştä videoyazmalarnı êlektron poçta aşa cirle xakimiyät wäqalätlelärenä häm bäyläneşle organnarğa cibärä.

Sistema yärdämendä räsmi zatlar töbäk xalqın êlek qullanılğan  sistema belän çağıştırğanda  30 minutqa aldanraq kisätä ala.