Franśiya ilbaşı Êmmanuêl’ Makron genośidçı Bin’yamin Netan’yaxu xökümäten Ğazzädä genośid idaräse mäs’äläsendä tänqıyt’läp, tınıç xalıq häm totıqlar yazmışın Netan’yaxu qulında qaldırıp bulmawın äytte.

Makron çärşämbe könne “FRANCE 24” kä yasağan belderüendä  “Netan’yaxunıñ töp mäs’äläse - totıqlarnı azat itü tügel, yuğıysä ul Ğazzä şähärenä soñğı höcümne başlatmas ide häm Qatardağı söyläşlärne nişan itep almas ide” dide.  

Makron “Kümäk suğış tınıç xalıqnı üterä, “Xamas”nı yuq itmi” dip İzrailneñ qabatlana torğan höcümnärenä qaramastan Fälästin törkemeneñ suğışu köçen saqlap qaluın assızıqladı.

Franśiya ilbaşı Gazzädä utnı tuqtatu çaqıruın yañartıp, Fälästin däwläten tanunıñ tınıçlıq prośessın canlandırunı maqsat itep quyuın äytte.

Makron şulay uq AQŞnı basım yasawda konkret qorallarğa iyä berdänber il dip atadı häm anı İzrailneñ yünäleşen üzgärtergä mäcbür itärgä çaqırdı, ägär Vaşington êşkä kereşmäsä, Awrupa Berlege illäreneñ sankśiyälärne bäyälärgä mäcbür bulaçaqların äytte.

Franśiya ilbaşı İzrailneñ basıp alınğan Yordannıñ könbatış üzänlegen annekśiyäläw öçen yasalaçaq här adımnıñ Franśiya öçen “qızıl sızıq” bulaçağın belderde häm Qodüstäge Franśiya konsullıgın yabunıñ citdi xata bulaçağın kisätte.