İran matbuğatındağı xäbärlärgä qarağanda, İran İnqıylab saqçıları armiyäse comğa könne ilneñ urta öleşlärendä AQŞnıñ F-35 xärbi oçqıçın bärep töşerüen belderde.

Yarım räsmı “Tasnim” xäbär agentlığı, İran İnqıylab saqçıları armiyäse belderüenä sıltama belän, oçqıçnıñ yuq itelüen, ämma pilotnıñ yazmışı bilgesez buluın citkerde.

Bu  İrannıñ 28 fevral’dä suğış başlağannan birle AQŞnıñ  F-35 oçqıçın bärep töşerüen däğ’wa itkän ikençe oçraq buldı.

AQŞ älegä bu däğ’walarga cawap birmäde.

İran 19 martta da AQŞnıñ F-35en bärep töşerüen beldergän ide, ämma bu däğ’wanı Vaşington kire qaqtı.

Tähran şulay uq pänceşämbe könne İzrailneñ  F-16 oçqıçın da bärep töşerüen alğa sörgän ide.

28 fevral’dä AQŞ häm İzrail başlağan hawa höcümnärendä 1340tan artıq keşe, şul isäptän ul çornıñ dini citäkçese Ali Xämänäi da hälaq buldı. Töbäk ul könnän birle yuğarı äzerlek rejimında.

İran isä İzrailgä, şulay uq AQŞ xärbi köçläre urnaşqan Yordaniya, Ğıyraq häm  Farsı qultığı illärenä  pilotsız oçu apparatları häm raketalar belän cawap qaytardı.

Bu höcümnär ülemnärgä kiterde, infrastruktura zıyan kürde, global’ bazarlarğa häm aviaśiyägä dä tiskäre täêsir itte.