Qıtay däwlät başlığı urınbasarı Xan’ Çjên Qıtay däwlät başlığı Si Cinpiñ belän AQŞ ilbaşı Donal’d Tramp arasında Kön’yaq Koreyada uzuı ixtimal oçraşuı aldınnan AQŞ belän partnyerlıqqa häm duslıqqa çaqırdı.
Däwlät yaqlawındağı “CGTN” xäbär kanalı mäğ’lümatına qarağanda, Xan ike ilneñ kiñ urtaq mänfäğat’läre häm xezmättäşlek öçen ömetle perspektivaları bulu säbäple partnyer häm dus bula aluın häm bulırğa tiyeşlegen belderde.
Bu fikerlärne ul Oregon ştatı senatı räise Rob Vagner belän oçraşu waqıtında äytte.
Xan AQŞnıñ Qıtay belän üzara xörmät, bergä tınıç yäşäw häm ike yaqlı tabışqa nigezlängän xezmättäşlek ruxı belän êşläwen ömet itüen belderde.
Şulay uq, dön’yanıñ iñ zur ike iq’tisadınıñ bu yaña çorda ber-berse belän aralaşunıñ döres yulın bergä êzläwen, monıñ ike ilgä dä, dön’yağa da fayda kiterüen teläde.
Vagner isä cirle däräcädäge xezmättäşlekneñ ähämiyäten assızıqlap, Oregon ştatınıñ Qıtay belän dustanä xezmättäşlekne nığıtu öçen qanun proyektın qabul itüen belderde.
