Zaporojye töbägeneñ Rusiyä kontrolendäge könyaq öleşenä tönlä yasalğan Ukraina dron hocüme näticäsendä ber keşe hälaq buldı. Bu turıda räsmi zatlar yäkşämbe könne mäğlümat birde.

Tönge säğätlärdä Rusiyäneñ VK soŝial’ media platformasında urın alğan video yazmada yanğın sünderüçelärneñ dron bärelgän yanuçı toraq binasın sünderergä tırışuların kürep bula.

Vasilyevka administraŝiyase räsmiye Natalya Romaniçenko, Rusiyäneñ "TASS" däwlät xäbär agentlığına bolay dip belderde: “10nan artıq yaralanuçı bar häm tönlä ber xatın-qıznıñ mäyete tabıldı.”

Rusiyäneñ maqsatında isä Ukrainanıñ tönyaq-könçığışındağı Xarkov töbäge bar ide. Rusiyäneñ Velıka Babka awılına yasağan hocümendä öç keşe yaralandı.

Ukrainanıñ Ğädättän tış xällär xezmäte yäkşämbe köne “Telegram”da yasağan açıqlawında: “Rusiyä köçläre kiçä tönlä qotqaru törkemnären maqsat itep alğan hocüm oyıştırdı”, – dide.

Belderügä kürä, berençe dron hocüme ber öyneñ yanıp qitüenä häm öç keşeneñ yaralanuına säbäp bulğan. Annan soñ yanğınnı sünderü öçen cibärelgän yanğın sünderü maşinasına ikençe Rusiyä dronı kilep bärelgän. Ukraina räsmiläre “ikelätä hocüm” dip atağan mondıy höcümnärdä Rusiyä ber urınğa hocüm itkännän soñ, qısqa waqıt êçendä yärdäm törkemnären maqsat itep ikençe märtäbä bärä.

Comğanı şimbägä totaştırğan tönne isä Rusiyä Ukrainağa raketa häm dronnar belän oyıştırğan hocümnärendä 12 keşe hälaq buldı.

Şulay uq Xarkovta Rusiyä raketasınıñ biş qatlı binağa kilep bärelüe näticäsendä kim digändä 10 keşe ülde.

Ukraina ilbaşı Volodimir Zelenskiy yäkşämbe könne soŝial’ mediada yasağan belderüendä, Rusiyäneñ soñğı ber atnada Ukrainağa yaqınça 1750 dron, 1530 idärä itelä torğan bomba häm 39 raketa belän höcüm itüen citkerde.