Franśiya ilbaşı Êmmanuêl Makron, ilendä atnalar buyı däwam itkän yanğınnar belän köräş öçen yanğın sünderü oçqıçı cibärgän Törkiyägä räxmät belderde.
Makron “X” sośial çeltärendäge akkauntında Törkiyäneñ Awıl häm urman xucalığı ministrı İbrahim Yumaklınıñ Franśiyagä yanğın sünderü oçqıçınıñ cibärelüe turındagı yullamasın urtaqlaştı.
Makron Törkiyä bayrağı räsemen quyıp, törek telendä "Räxmät siña, Törkiyä!" dip yazdı.
Awıl häm urman xucalığı ministrı Yumaklı üz yullamasında Törkiyä ilbaşı Räcäp Tayyip Ärdoğannıñ kürsätmäse belän, İspaniyadän soñ Franśiyagä dä yärdäm itü üteneçe buyınça ike yanğın sünderü oçqıçı cibärülärän beldergän ide.
Tarixındagı iñ zur yanğın belän köräşüçe Franśiyadä bıyıl 116 meñ gektar mäydan kölgä äylände.
İlneñ könyağındağı Jironda provinśiyasendä yaqınça ber atna däwam itkän yanğında 42 meñnän artıq gektar cir yandı. Jironda, Var, Landı häm Yuğarı Korsika provinśiyalärendäge yanğınnar älegä sünderelä alınmağan.
