Bolgariyada başqala Sofiyanı Burgas şähäre belän totaştıruçı Trakiya avtomagistralendä quyı toman arqasında ike çılbırlı yul hälakäte barlıqqa kilgän.
Berençel mäğlümatlarğa kürä 10 keşe hälaq bulğan, 16 keşe yaralanğan.
Milli matbuğatta çıqqan xäbärlärgä qarağanda, cirle waqıt belän säğät 07.00 tiräsendä Trakiya avtomagistralendä ike yul-transport hälakäte buldı.
Sliven ölkäse gubernatorı Mixail Kaşerov matbuğatqa yasağan açıqlawdan kürengänçä yaqınça 70 transport çarası hälakätlärgä êläkkän.
Ciñel avtomobillär häm yök maşinaları êläkkän yul hälakätlärennän soñ, avtomagistral' ike yünäleştä dä yabıldı, politsiya törkemnäre töbäktä iminlek çaraları kürde.
Waqıyğa urınına Yambol, Sliven häm Burgas şähärlärennän aşığıç yärdäm maşinaları häm ber mediśina boralağı cibärelde. Töbäktä 14 yanğın sünderü törkemeneñ wazifa başqaruı xäbär itelde.
Saqlanu ministrlığı yaralanuçılarnı küçerügä yärdäm itü öçen «Spartan» tibındağı yök oçqıçınıñ Burgas şähärenä yul totuın belderde.
