İndoneziyanıñ ike töbägendä bulğan cir şuışularda ülüçelär sanı 31gä citte. Räsmi zatlar 20 yuğalğan keşene êzläw däwam itüen belderä.

Däwlät mäğlümat agentlığı “Antara News” xäbär itkänçä, Üzäk Yavanıñ Banjarnegara rayonı Pandanarum awılında 18 keşe älegä qädär yuğalğan sanala, 10 cäsäd tabılğan. Bu xaqta Semarangtağı êzläw-qotqaru xezmäte citäkçese Budiono beldergän.

Semarang — Indoneziyanıñ Üzäl Yava vilayäte başqalası häm iñ zur şähäre.

Budiono, şulay uq, ike tanılmağan cäsäd öleşe dä tabıluın östäde.

Şulay uq, Üzäk Yavağa qarawçı Cilacap rayonınıñ Majenang cirlegendä bulğan cir şuışuda, agentlıqnıñ xäbärenä kürä, êzläw törkemnäre 21 cäsäd tapqan, ä ütkän atnada bulğan afättän soñ ike keşe älegä qädär yuğalğan sanala.

Monnan tış, Tailandnıñ kön'yaq öleşendä urnaşqan Songkxla şähärendä comğa könne köçle taşqın häm yañğır däwam itä; “Bangkok Post” xäbärenä kürä, soñğı öç köndä anda 595 millimetr yawım töşte.