Şimbä könne Meksikada supermarketta bulğan şartlaw näticäsendä, kim digändä, 23 keşe häläk bulğan, dip xäbär itä matbuğat çaraları.
Şartlaw tönyaq-könbatış Sonora ştatında urnaşqan Êrmosilyo şähärendäge “Waldo's” kibetendä yanğın çıqqannan soñ bulğan.
Räsmi sannar älegä iğlan itelmägän bulsa da, matbuğat citkergänçä, berençel mäğlümatlarğa kürä, kim digändä, 23 keşe häläk bulğan häm 10nan artıq keşe yaralanğan.
Yanğın kontrol astına alınğan häm şartlaw säbäben açıqlaw öçen tikşerü başlatılğan.
“La Jornada” gazetası xäbär itüençä, şartlaw säbäbe gaz sarquı yäisä yağulıq ağu bulırğa mömkin digän faraz qarala.
Sonora cämäğat iminlege särqatiplege "höcüm yäisä tınıç xalıqqa qarşı köç qullanu belän bäyle waqıyğa" bulu mömkinlegen kire qaqtı.
İlbaşı Klaudia Şeynbau qorbannar nisbätennän qayğı urtaqlaştı.
"Min Sonora gubernatorı Alfonso Durazo belän êlemtädä toram, kiräk bulğan yärdämne kürsätergä äzerbez. Êçke êşlär ministrı Rosa Isela Rodrigesqa ğailälärgä häm yaralanuçılarğa yärdäm itü öçen törkemnär cibärergä kürsätmä birdem," dip yaxdı ul “X” platformasında.
