Nigeriyäneñ Zamfara ştatında xärbi saq astında xäräkät itkän säwdägärlär konvoyına oyıştırılğan höcümdä 27 keşe hälaq bulğan.

Milli matbuğatta çıqqan xäbärlärgä qarağanda, kiçä Zamfara ştatındağı Gurusu–Gvaşi trassasında xärbi saq astında xäräkät itkän säwdägärlär konvoyına qorallı törkem äğzaları atnalıq bazarğa barğanda höcüm itkän.

Höcümdä 27 keşe, şul isäptän qurqınıçsızlıq köçläre xezmäkärläre hälaq bulğan, küp sanda keşe yaralanğan.

Zamfara poliśiyäse höcümne raslağan häm tikşerü başlanuın beldergän.

Nigeriyäneñ törle töbäkläre küptännän qorallı törkemnär, şulay uq “Boko Xaram” terror oyışması häm “DEAŞ” terror oyışmasınıñ Könbatış Afrikadağı “ISWAP” törkeme höcümnärenä duçar bula.

İldä keşe urlağan öçen ülem cäzası qaraluğa qaramastan, aqça  alu öçen keşe urlaw oçraqları yış bula.

Qorallı keşelär, ğadättä, ilneñ tönyağındağı awıllar, mäktäplär häm yulçılarğa höcüm itä häm tüläw taläp itä.