Merś Rusiyä ilbaşı Vladimir Putinnı Awrupağa qarşı gibrid suğış başqaruda ğayepläde, tağın da köçle saqlanu reakśiyasen kürsätergä süz birde.
Germaniya kanślerı Rusiyä liderınıñ Ukrainadağı suğışnı beterü öçen tınıçlıq urnaştıru söyläşülärenä älegä äzer bulmawın äytte.
Şäxsi media oyışması “n-tv”ğa birgän intervyuda Merś bolay dide: “Xäzerge waqıtta Rusiyä däwlät başlığı söyläşergä telämi, bombalarğa teli häm bez moña tağın da köçle räweştä qarşı çığarğa tiyeş. Ber könne söyläşülärgä äzer bulaçaq.”
Nemeś lider Putinnı ilenä häm tağın da kiñ töbäkkä qarşı gibrid suğış alıp baruda ğayepläp: “Bezgä qarşı mäğlümat suğışı bara. Ukrainağa qarşı xärbi suğış başqarıla häm bu suğış härberebezgä qarıy. Rusiyä - töbägebezneñ säyäsi tärtibenä häm totrıqlılığına doşman,” – dide.
Germaniyä häm Awrupa külämendä soñğı waqıtta artqan dron waqıyğaları belän bäyle sorawğa Merś tübändägeçä cawap birde: “Yanaw turında beläbez. Xökümät mäs’äläne añlıy.”
Mäskäw citäkçelegen awrupalılarnı qurqıtırğa tırışuda ğayeplägän Merś Berlin citäkçelege täwäkkällelegen assızıqladı.
“Putinnı qurqıtırğa teli, läkin bez qurıqmıybız, üzebezne saqlayaçaqbız,” – dide Merś.
Merś yäkşämbe könne belderü yasap, uzğan atna azağında Germaniya küklärendä kürengän küp kenä dron waqıyğası artında Rusiyäneñ toruın uylawın belderde. Bolar arasında Myunxen aêroportındağı oçqıç säfärläreneñ tuqtawı häm 10 meñnän artıq yulçınıñ zıyan kürüe dä urın ala.
Mäskäw citäkçelege dronnarğa qatışınıñ bulmawın citkerep, Berlin citäkçelege ğayepläwlären nigezsez häm säyäsi maqsatlı dip atadı.
Germaniya belän Rusiyä arasındağı mönäsäbätlär 2022 yılda başlanğan Ukraina suğışınnan soñ naçaraydı. Berlin citäkçelege Ukrainanıñ iñ zur xuplawçılarınnan berse buldı.
Merś Germaniyaneñ Ukrainanı xärbi häm diplomatik yaqtan härwaqıt xuplarğa däwam itäçägen qabatladı.
