Qıtaynıñ könyaq-könbatışında urnaşqan Sıçuan’ provinśiyäsendäge awılda bina divarı cimerelü näticäsendä 5 keşe hälaq bulğan.
“Sinxua” agentlığı xäbärenä kürä, İbin prefekturasınıñ Çanning okrugındağı awılda ber ğailä balalarınıñ universitetqa kerü imtixanın uñışlı tapsıruın bäyräm itkän waqıtta yortlarınıñ divarı cimerelgän .
İşelgän divar astında qalğan 5 keşe hälaq bulğan, 17 keşe yaralanğan.
Räsmi zatlar 3 keşeneñ waqıyğa urınında ğomere özelüen, 2 keşeneñ mediśina yärdämenä qaramastan qotqarıla almawın belderde.
Yaralanğan 17 keşe däwalanu öçen xastaxanägä ozatılğan.
