“Yonhap” xäbär agentlığınıñ Kön’yaq Koreya tışqı êşlär ministrlığı mäğ’lümatına nigezlänep birgän xäbärenä qarağanda, Kön’yaq Koreya belän NATO kiber iminlek ölkäsendä xezmättäşlekne üsterü öçen yuğarı däräcäle söyläşülär ütkärgän.
Pänceşämbe könne Seul şähärendä uzğan kiber söyläşülärne Kön’yaq Koreyanıñ Xalıqara kiber mönäsäbätlär ilçese Lee Tae Woo häm NATO İnnovaśiya, gibrid häm kiber mäs’älälär öçen cawaplı särqatip urınbasarı Jean-Charles Ellermann-Kingombe citäklägän.
Yaqlar kiber yanawlarğa qarşı köräştä xezmättäşlekne arttıru häm Hind -Tın okean belän Awrupa-Atlantik töbäklärendäge kiber iminlek qurqınıçın bäyäläw turında kileşkän.
Kön’yaq Koreya häm NATO kiber iminlek ölkäsendä xezmättäşlekne nığıtu öçen yuğarı däräcäle kiber dialognı 2023 nçe yılda başlap cibärgän ide.
Bu waqıyğa Kön’yaq Koreya saqlanu ministrı Ahn Gyu-back belän NATO xärbi komitetı räise Cuzeppe Cavo Dragone arasında Seul saqlanu dialogı qısalarında sişämbe könne uzğan söyläşüdän soñ bulğan.
Kön’yaq Koreya saqlanu ministrlığınıñ belderüenä qarağanda, Dragone Kön’yaq Koreya belän NATO arasında saqlanu häm xärbi üzgäreşlär, mäğ’lümat urtaqlaşu, kiber ğaläm, ğaläm häm yasalma intellekt kebek törle ölkälärdä tağın da tiränäyäçäk häm kiñäyäçäk konkret xezmättäşlek turında kileşügä ireşkän.
