Törkiyä ilbaşı Räcäp Tayyip Ärdoğan sośial media xisabınnan urtaqlaşqan yullamasında, bäyrämneñ ruxıy atmosferasınıñ möhimlegenä iğtibar itte.
Yullamasında, ayıruça nizağlar häm bäreleşlär belän bäyrämne qotlağan töbäklärgä basım yasap, Ärdoğan tübändägelärne citkerde:
"Rabbıbıznıñ ruxıy büläge bulğan Qorban bäyrämeneñ ilebez, ğäziz millätebez, İslam dönyası häm böten keşelek öçen xäyerle buluın çın yöräktän teläp qalam. Ğazzä belän berrättän küñel geografiyäbezneñ törle poçmaqlarında bu bäyrämne dä qayğı-xäsrät häm yöräkläre sızlap qarşı alğan böten qardäşläremä üzem häm millätem isemennän iñ köçle teläktäşlek yullamalarımnı cibäräm, Qorban bäyrämnären ayırım-ayırım täbrik itäm.
Rabbım bezgä millät häm ömmät bularaq tınıçlıq, iminlek, berdämlek häm tuğanlıqqa nigezlängän tağın da kübräk bäyrämnär nasıyp itsen. Bäyrämebez möbaräk bulsın."
