İran armiyäse başlığı Amir Xatami iminlek citäkçese Ali Laricaninıñ İzrail hawa höcümendä üterelüenä qarşı xälitkeç häm köçle cawap qaytaru turında kisätte.

Hatami çärşämbe könne yasağan belderüendä: “İrannıñ yuğarı milli iminlek şurası särqatiben üterügä cawabı qatğıy häm ükeneçle bulaçaq”,- dip äytte.

İrannıñ armiyädän ayırım xärbi köçe bulğan İnqıylab saqçıları ,çärşämbe könne yasağan belderüdä, şähit doktor Ali Laricani häm anıñ yuldaşlarınıñ qanı öçen üç alu maqsatında İzrailneñ üzägenä raketalar cibärüen belderde.

İran yuğarı milli iminlek şurası êlegräk Laricaninıñ üterelüen rasladı. Bu raslaw İzrailneñ anıñ hawa höcümendä üterelüen häm höcüm waqıtında ulı belän saqçılarınıñ da hälaq buluın äytkännän soñ buldı.

Laricani İran säyäsätendä kürenekle şäxes ide häm soñğı 40 yıl êçendä törle yuğarı wazıyfalarda, şul isäptän däwlät mediasında, iminlek oyışmalarında häm parlamentta êşläde.

1957 yılnıñ 3 iyünendä Ğıyraqnıñ Näcäf şähärendä tuğan Laricani bakalavr däräcäsen komp’yuter fännäre buyınça Şärif texnologiya universitetında, ä magistr häm doktor däräcälären fälsäfä ölkäsendä Tährän universitetında aldı.