Ukraina Rusiyäneñ Qara diñgezdä azıq-tölek taşuçı yök köymälärenä höcüm oyıştıruın citkerde.

Ukraina beldergänçä comğa könne Rusiyä Qara diñgezdä könyaq yar buyındağı sulıqlarında ike yök köymäsenä ut açtı häm ber köymädäge êkipaj personalı yaqtı dönyadan kitte.

Restavraŝiya ministrı Alksey Kuleba Telegram-kanalda belderü yasap, köymälärdän berseneñ könyaqtağı Çernomorsk portında aşlıq töyär öçen yulda buluın, ikençeseneñ isä soya taşığan waqıtta Odessa portına yaqın urında höcümgä duçar qaluın açıqladı.

Kuleba: “Qızğanıç, höcümdä Süriyä watandaşı bulğan ber personal hälak buldı. Bu, Rusiyäneñ tınıç xalıqqa belä torıp ut açuınıñ, xalıqara diñgez transportı häm azıq-tölek logistikasına yünälüeneñ ikençe misalı bulıp tora,” – dide.

Ukraina uzğan aynı berse könbağış mayı, ikençese ciläk-cimeş, yäşelçä häm qalğan azıq-tölek taşuçı ike yök fregatına oyıştırılğan höcümnärdän Rusiyäneñ cawaplı buluın äytkän ide.

Törkiyä ilbaşı Räcäp Tayyip Ärdoğan dekabr ayında Rusiyäle wazıyfadaşı Vladimir Putin belän ütkärgän söyläşülärdä Rusiyä-Ukraina suğışında portlar häm ênergiya qorılmalarına qarağan höcümnärne tuqtatırğa çaqırğan ide.