Törkiyä tışqı êşlär ministrlığı Süriyädä süriyäle häm AQŞ köçlären maqsat itep alğan “DEAŞ” terrorçısı oyıştırğan höcümne ğayepläde.

Ministrlık şimbä tönlä belderü yasap: “Süriyäneñ Palmira şähäre yanında patrulğa çıqqan Süriyä häm AQŞ berleklärenä qarata oyıştırılğan terror höcümen ğayeplibez. Höcümdä ğomere özelüçelärneñ ğailäläre belän Xalıqara “DEAŞ” belän köräş koaliŝiyasendä partnyerıbız bulğan Süriyä häm AQŞ xökümätläreneñ qayğısın urtaqlaşabız. Süriyä xökümäteneñ ildä totrıqlılıq häm iminlekne nığıtuğa qarağan häm terrorçılıqqa qarşı köräş tırışlıqların xuplarğa däwam itäçäkbez,” – dide.

Şimbä könne irtänge sägätlärdä “DEAŞ” terror oyışmasına bäyle ber qorallı höcümçe tozaq qorıp oyıştırğan höcüm näticäsendä ike AQŞ ğaskäriye häm ber grajdanlı yaqtı dönyadan kitte, öç keşe yaralandı.