Kremlneñ tışqı säyäsät kiñäşçese Yuriy Uşakov, Ukraina ilbaşı Volodimir Zelenskiy şaltıratqan oçraqta, Rusiya ilbaşı Vladimir Putinnıñ telefonğa cawap biräçägen beldererde.
“Putin berqayçan da söyläşüdän baş tartmadı”, – dip östäde ul.
Uşakov bu xaqta Rusiya telekanalı “Rossiya” ğa Ukraina krizisın çişügä qağılışlı yasağan belderüendä citkerde.
Ukraina mäs'äläsendä Berläşkän Ğaräp Ämirlekläre başqalası Äbu-Dabida ütkärelüe planlaştırılğan öçyaqlı söyläşülärgä Awrupa wäkilläreneñ qatnaşu ixtimalın bäyälägän Uşakov: “Amerikalılar belän êş däräcäsendä êlemtälärebez bar. Şuña kürä söyläşülärneñ berençe turın öçyaqlı formatta ütkärü mäğnäle”, – dip belderde.
Ukraina ilbaşı Zelenskiynıñ Rusiya ilbaşı Putin belän Mäskäwdä oçraşa aluın äytkän Uşakov: “Ul törle çığanaqlar aşa signallar cibärä. Ägär ul bu qadär oçraşırğa teli ikän, kilsen”, – dide.
Yuriy Uşakov “Zelenskiy şaltıratsa, Putin telefonğa cawap biräçäkme?” digän sorawğa isä: “Minemçä Putin cawap birer ide. Putin berqayçan da söyläşülärdän baş tartmadı”, – dip cawap birde.
