Gumanitar yärdäm taşuçı yök maşinaları İzrail belän “Xamas” arasında tözelgän ut tuqtatu kileşüe qısalarında Ğazzägä kerä başladı.

Şimbä könne cirle çığanaqlar “Anadolu” agentlığına xäbär itkänçä berniçä yärdäm maşinası İzrail kontrolendäge Karem Äbu Saläm çik buyı qapqasınnan Könyaq Ğazzägä kerde.

Yärdäm maşinaları AQŞ ilbaşı Donald Trampnıñ ike yıl däwam itkän İzrail-Fälästin suğışın tuqtatu planı nigezendä, comğa könne Ğazzädä utnı tuqtatu kileşüeneñ berençe êtabı ğamälgä kergännän soñ töbäkkä kerde.

İzrail äsirlärneñ düşämbe irtänge säğätlärdä azat iteläçägen kötä.

Binyamin Netanyaxu ofisı süzçese Şoş Bedrosian: "Ägär dä totıqlar irtäräk azat itelsä, İzrail alarnı qabul itärgä äzer", – dip belderde.

Ul şulay uq äsirlär imin räweştä qaytarılğannan soñ İzrailneñ Fälästin totqınnarın azat itäçägen äytte.