Ukraina räsmiläre Rusiya höcümnäreneñ ilneñ könçığışındağı qayber töbäklärdä êlektr ênergiyäse özelüenä kiterüen, meñlägän keşeneñ êlektrsız häm cılıtusız qaluın xäbär itte.

Ukrainanıñ däwlät ênergetika operatorı “Ukrênergo” berniçä töbäkneñ ênergetika asqormasına zur külämle dron höcüme buluın belderde.

“Doşman berniçä töbäkneñ ênergetika asoqmasına zur külämle dron höcüme oyıştırdı. Näticädä Dnepropetrovsk häm Zaporoj’ye ölkälärendä, şul isäptän töbäk üzäklärendä dä, küp keşe êlektrsız qaldı”,- dip belderde şirkät.

Töbäkneñ xärbi idarä citäkçese Vladislav Gayvanenko beldergänçä, höcümnär Dnepropetrovsk ölkäsendäge möhim infrastrukturağa zıyan kitergän.

“Xäl qatlawlı. Läkin qurqınıçsızlıq wäzğıyäte mömkinlek birü belän ênergetiklar remont êşlären başlayaçaq”,- dip yazdı Vladislav Gayvanenko “Telegram”da.

Zaporıj’ye ölkäsendäge töp ob’yektlarğa êlektr ênergiyäse birelgän, läkin töbäk gubernatorı İvan Fedorov süzlärençä, küpçelek xucalıqlar äle dä êlektrsız.

“Bez barlıq qullanuçılarnı da mömkin qadär tizräk êlektr belän täêmin itü öçen täwlek buyı êşlibez”,- dide ul.

Kiyev häm anıñ berlektäşläre grajdanlıq infrastrukturasına höcüm itü salqın aylarda xalıqnı köçsezländerü öçen êşlänä dip belderälär.