AQŞ ilbaşı Donald Tramp İranğa iqtisadi basımnıñ näticä birüen belderde häm: “İrannıñ atom-töş qoralı bulmayaçaq,” – dide.  

“Fox News” kanalına birgän intervyusında Tramp 28 fevraldä AQŞ häm İzrailneñ İranğa höcümnäre belän başlanğan suğış turında fikeren belderde.

Donald Tramp İrannıñ AQŞ häm İzrail höcümnärenä cawap itep Farsı qultığı illärenä höcüm itüenä üzen dä kertep, härkemneñ ğacäplänüen äytte häm: “İrannıñ atom-töş qoralı bulmayaçaq,” – dip qabatladı.

AQŞ liderı Tähran citäkçelegeneñ Farsı qultığı illärenä höcümnäre ägär anıñ atom-töş qoralı bulsa, anı qullanaçağın kürsätüen citkerde. Bu Yaqın Könçığışnı, İzrailne yuq itäçäk häm Awrupa belän AQŞ çirattağı maqsat bulaçaq dide.

Tramp: “Ägär min AQŞ ilbaşı bulmasam, İzrail yuqqa çığar ide. Yaqın Könçığış ta, möğayın, bulmas ide,” – dide.

Ul AQŞnıñ diñgez qamalışı häm İranğa iqtisadi basımı näticä birä dide, İrannıñ cimerelü aldında torğan il buluın qabatladı.