AQŞ ilbaşı Donald Tramp êlekke AQŞ ilbaşı Djo Bayden idaräseneñ yuğarı däräcäle wäqalätleläreneñ qanun çığaruçılarnı yäşeren küzätü programmasın raslawın alğa sörä.
“Dokumentlar şunı açıq kürsätä - Kristofer Rêy, Djek Smit, Merrik Garland, Liza Monako häm uñışsız Bayden daräseneñ başqa xäyläkär keşeläre “Arktika salqını operatsiyäse” programmasına röxsät birgännär,” dip yazdı Tramp üzeneñ “Truth Social” platformasında.
Tramp äytüençä, bu operatsiya Kongress äğzaların küzätü häm alarnıñ telefon söyläşülären yazdırunı üz êçenä ala. “Alar 2020 yılğı ilbaşı saylawlarında xärämläşep ciñdelär” dide ul.
“Bu radikal sulçı aqılsızlar üzläreneñ qanunsız häm bik äxlaqsız ğämälläre öçen cawapqa tartılırğa tieş!” dip östäde Tramp.
Senatnıñ Yustitsiya komitetı räise Çak Grêssli pänceşämbe könne iğlan itkän dokumentlarga kürä, êlekke baş prokuror Merrik Garland, baş prokuror urınbasarı Liza Monako häm FBI direktorı Kristofer Rêynıñ imzaları 2022 yılnıñ 4 aprelendä “Arktika salqını” tikşerüen röxsät itü dokumentında bar.
Bu dokumentlar Grêssli komitetınıñ Yustitsiya departamentınıñ güyä küzätü êşçänlege belän bäyle materiallar aluı turında belderüennän soñ iğlan itelde, dip xäbär itä “The New York Post”.
