Ğazzä sälamätlek saqlaw ministrlığı şimbä könne beldergänçä İzrailneñ genoŝid suğışında ülüçelär sanı soñğı 48 säğättä 9 fälästinleneñ ülüe säbäple 73 449kä citkän.

Könlek statistika xisabında ministrlık xastaxanälärgä 9 mäyet kilep citüen häm yaña tabılğan tağın ber fälästinle gäwdäse aluların, şul uq waqıtta 18 keşeneñ yaralanuın äytte.

Ministrlık şaqtıy keşeneñ cimerek öy qaldıqları astında häm yullarda qaluın, aşığıç yärdäm häm grajdannarnı saqlaw törkemnäreneñ alarğa ireşä almawın citkerde.

Fälästinlelärneñ niçek ülüe yäki yaralanuı turında täfsille mäğlümat birelmäde.

İzrail armiyası 2025 yılnıñ 10 oktäbrendä üz köçenä kergän utnı tuqtatu kileşüen bozunı däwam itä.

Utnı tuqtatu üz köçenä kergännän birle oyıştırılğan höcümnärdä 1313 keşe yaqtı dönyadan kitte, 4361 keşe yaralandı.

Ministrlık citkergänçä 2023neñ 8 oktäbrennän birle İzrailneñ Ğazzägä qarşı genoŝid suğışında barlığı 73 449 keşe ülde, 174 472 keşe yaralandı.

Qorbannarnıñ kübese - xatın-qızlar häm balalar.

İzrail Ğazzädäge grajdanlık asqormasınıñ yaqınça 90%ın yuqqa çığardı. BMO töbäkne torğızu yaqınça 70 milliard dollarğa töşäçägen farazlıy.