Törkiyä Tışqı êşlär ministrı Xaqan Fidan bügen Süriyägä säfär yasıy. Ministr Fidan Süriyä Tışqı êşlär ministrı Äsäd Xäsän Şäybani belän küreşä. Monnan tış Süriyä İlbaşı Äxmäd Şara tarafınnan qabul itelüe dä kötelä.
Tışqı êşlär ministrı Xaqan Fidannıñ Süriyä säfärendä iñ möhim kön tärtibe mäddälärennän berse iminlek bulaçaq. “YPG/SDG” terror oyışmasınıñ tarqalu qararı häm integraśiyä barışında yäşängän täräqqiyätlär quzğatılaçaq. Qabul itelgän qararlarnıñ waqıtında ütälüeneñ ähämiyätenä basım yasalaçaq.
Ministr Fidannıñ kön tärtibendä Süriyäneñ könyağındağı wazğiyät tä bar. İzrailneñ Süriyäneñ iminlege belän totrıqlılığına tora bara tağın da kübräk yanawçı agressiyäsenä iğtibar yünälteläçäk. İzrail höcümnäre aldında xalıqara cämäğätçelek belän bergä yasala alınaçaq adımnar bäyälänäçäk.
Söyläşülärdä Süriyäneñ cir bötenlege, berdämlege häm suverenlığınıñ saqlanıp qalınuı da quzğatılaçaq. Süriyä törekmännäre belän berrättän cämğiyätneñ böten qatlamnarınıñ tigez watandaşlıq nigezendä ilneñ kiläçägenä öleş kertüeneñ möhimlegenä basım yasalaçaq.
Başqa ber başça da säwdä, ênergetika, transport häm bäyläneş ölkälärendäge xezmättäşlekneñ nığıtıluı bulaçaq. Töbäktä säwdä häm transportnıñ üseş aluına qağılışlı soñğı proyektlar da qarap çığılaçaq. Törkiyäneñ Süriyäneñ iqtisadi torğızıluınıñ tizlätelüe häm regional êlemtäläreneñ yañadan urnaştırıluına qağılışlı yärdämeneñ däwam itäçäge citkereläçäk.
