AQŞ ilbaşı Donald Tramp İranğa qarşı sanktsiylärne yomşartırğa häm İrannıñ atom-töş programması bıynça konkret adımnar yasaw öçen tuñdırılğan aqçaların azat itärgä äzer buluı turındağı süzlärne kire qaqtı.
Donald Tramp bu xaqta fikeren üzeneñ sotsial çeltärlärdäge akkauntında belderde.
“Axios” yañalıqlar platformasınıñ Tähranğa qarşı sanktsiylärne yomşartırğa äzer buluı turındağı xäbären kire qağıp, Tramp: "Bu döres tügel, min alarğa bernärsä dä täqdim itmädem", - dide.
Tramp bu xäbärneñ yalğan buluın häm anı şunda uq beterergä kiräklegen belderde.
“Axios” xäbärendä, AQŞnıñ isemnäre atalmağan räsmi zatlarına sıltama belän, Trampnıñ İrannıñ atom-töş programması bıynça konkret adımnar yasaw öçen Tähranğa qarşı sanktsiylärne yomşartırğa häm tuñdırılğan İran aqçaların buşlay cibärergä äzer buluı äytelgän ide.
