Törkiyä iminlek räsmi zatları Somali başqalası Mogadişoda häm anıñ tiräsendä höcümnär köçäygän waqıtta Törkiyäneň ilneñ terrorçılıqqa qarşı köräşenä yärdäm itü qısalarında Somalidağı hawa häm ciröste köçlären kiñäytep xärbi köçen nığıtuın belderde.

Törkiyä iminlek wäqalätleläre pänceşämbe könne yasağan belderülärendä Somali–Törkiyä wazıyfa başqaru köçe häm Törkiyä hawa komandirlığı  xärbi yärdäm, uqıtu-öyrätü  häm konsul’tativ êşçänlek aşa Somalinıñ terrorğa qarşı köräş säläten nığıtuın däwam itä dip belderdelär.

Räsmi zatlar Somalidağı Törkiyä hawa köçläre komandirlığınıñ  nığıtıluın häm yaña köçlärneñ terrorğa qarşı operaśiyälärgä yärdäm kürsätäçägen açıqladı.

Somali “Äl-Qaidä” belän bäyläneşle terror oyışması “Äş- Şäbab” belän 10 yıldan artıq köräşä.  

Törkiyä Mogadişoda zur xärbi äzerlek bazasın êşlätep häm Somali Milli armiyäsenä kiñ yärdäm kürsätep  ilneñ iñ yaqın iminlek partnyerlarınnan bersenä äylände.

Meñlägän Somali ğaskäre törek ostazları tarafınnan öyrätelde, Törkiyä dä cihazlar, texnik yärdäm häm operativ kiñäşlär birde.

Somali räsmi zatları “Äş – Şäbab”qa qarşı qazanışlarnı nığıtu häm oyışmanıñ cirlärne kire qaytaruına yul quymaw öçen tırışlıqların köçäytkändä,  Törkiyä cibärgän soñğı östämä köçlär ike yaqlı partnyerlıqnı tiränäytü niyäten kürsätte.