İzrail parlamentınıñ Milli qurqınıçsızlıq komiteti sişämbe kiçendä fälästinle totqınnarnı cäzalap üterüne ğamälgä kertäçäk qanun proyektın xupladı.

Dokument kiläse atnada Knessetnıñ plenar sessiyäsenä ikençe häm öçençe uqılışlar öçen täqdim iteläçäk, bu qanunğa äylängänçe soñğı êtap.

İzrail däwlät televideniyese “KAN” xäbär itüençä, komitet berençe tawış birüdän uzğan ölgegä qayber üzgäreşlär kertä, anda cäzalaw asu yulı belän başqarılaçağı kürsätelä.

Ülem cäzasına xökem itelgännär, barı tik röxsät itelgän personal ğına kerä alırlıq ayırım totqarlaw üzägendä totılaçaq, advokatlar belän oçraşu video aşa ğına mömkin bulaçaq.

Qanun proektı buyınça, ülem cäzası çığarılğannan soñ, anı ütäw 90 kön êçendä başqarılırğa tiyeş.

Qanun proyıktında ülem cäzası xätta prokuratura үteneçe bulmağanda da bilgelänergä mömkin, qarar qabul itü öçen bertawıştan xuplaw taläp itelmi.

Apellyatsiya mömkinlege yuq

Qanun proyektında İzrail okkupatsiyäse astında ülem cäzasına xökem itelgän fälästinlelärneñ yarlıqaw soraw yäki apellyatsiyagä birü öçen bernindi dä çara kürelmäyäçäge äytelä.

İzraildä xökem itelgän totqınnar öçen ülem cäzası ğomerlek törmä belän alıştırılırğa mömkin.

Bu qanun proyektın İzrailneñ uñçı qaraşlı milli qurqınıçsızlıq ministrı Itamar Ben-Gvir xuplap qarşı aldı häm anı "tarixi kön" dip atadı.