Berläşkän Millätlär Oyışması (BMO) ğomum särqatibe Antonio Guterreş häm Süriyä ilbaşı Äxmät äl-Şaraa Süriyädäge säyäsi üzgäreşlär turında söyläşkän. Bu xaqta Guterrişnıñ ofisı belderde.
Guterreş bu protsessnı kiñ qatnaşu häm dialog aşa alğa taba alıp baru kiräklegenä basım yasadı.
"Ğomum särqatib Süriyäneñ möstäqıyllegen häm territorial bötenlegen yaqlaw möhimlegen dä assızıqladı," diyelä belderüdä. Guterreş 1974 yılğı Ayrılışu kileşüen bozu oçraqları turında borçıluın belderä.
BMO ğomum särqatibe häm äl-Şaraa BMO belän Süriyä arasında xezmättäşlekne nığıtu yulları turında da söyläşä häm Yaqın Könçığıştağı wäzğıyät xaqında fiker alışa.
Süriyädä 25 yıl buyı idarä itkän Bäşşär Ässad uzğan dekabr ayında Rusiyägä qaçtı, häm 1963 yıldan birle xakimiyättä bulğan Baas partiyäse rejimı tämamlandı.
Äl-Şaraa citäkçelegendäge yaña küçeş çorı administratsiyäse ğıynwar ayında tözelde. Ul 1967 yıldan birle BMO ğomum şurası utırışında çığış yasağan berençe Süriyä ilbaşı buldı.
