İran armiyäse üzeneñ xärbi doktrinasın "saqlanudan höcümgä" küçerde, dip belderde armiyä wäkile şimbä könne, ilneñ soñğı suğışlardan alınğan sabaqlarğa sıltama yasap.

General Möxämmät Äkräminiyä “IRNA” däwlät xäbär agenlığına bu üzgäreşneñ 12 könlek häm 40 könlek suğışlar waqıtında äkrenläp barlıqqa kilüen äytte.

Äkräminiyä bolay dip belderde: "İlebezneñ xärbi doktrinası tarixi yaqtan saqlanu xarakterında ide, läkin bu ike suğış waqıtında bez xärbi doktrinanıñ saqlanu pozitsiyäsennän höcüm pozitsiyäsenä äkrenläp küçüen kürdek".

Ul bu üzgäreşneñ höcümnärgä tizräk häm tulıraq cawap birüdä, şulay uq, profilaktik operatsiyälärdä kürenüen äytte.

AQŞ ğaskärilären ütergän öçen büläk

Äkräminiyä, şulay uq, cir öste ğaskärläre İran territoriyäsenä kergän oçraqta AQŞ ğaskärilären ütergän yaki äsirlekkä alğan öçen büläk täqdim itüçe plan äzerlänüen äytte.

Plan nigezendä, qorallı köçlär äğzaları yäki qanunlı räweştä mıltıq totqan watandaşlar, İranğa kirgän AQŞ ğaskärilären ütersä yäki äsirlekkä alsa, 5 milliard tuman (yaqınça 26 000 dollar) alaçaq.

Ägär bu ğamäl xatın-qız tarafından başqarılsa, büläk 10 milliard tumanğa (yaqınça 53 000 dollar) qadär arttırılaçaq.