Belgiyäneñ Mexelen şähärendäge «Ursulinen» mäktäbendä bomba quyıluı turında xäbär kilgännän soñ räsmi zatlar 1700 uquçını evakuśiyälägännär.
“RTV” xäbärenä qarağanda, töşke yal waqıtında mäktäpkä şaltıratqan ber keşe ber ük xäbärne qabatlawçı tawış yazması aşa bomba qurqınıçı turında beldergän.
Poliśiyägä xäbär itelgännän soñ, waqıyğa urınına küp sanda törkem cibärelgän.
TÄQDIM ITELÄ
Poliśiya cirlekne transport öçen yapqan häm mäktäp binaların maxsus öyrätelgän êzläw etläre belän tikşerä başlağannar.
Balalar baçası, başlanğıç mäktäp häm urta mäktäp sıynıflarında uquçı 1700 bala räsmilär tarafınnan imin räweştä êvakuśiyälängän häm mäktäp yanındağı çirkäwgä kiterelgän.
Bomba xäbäreneñ qurqınıç tudırıp tudırmawı älegä bilgele tügel.
