İzrail räsmi zatı Mäkkä urtaq saqlanu kileşüenä qul quyğan Soğud Garäbstanı, Paqıstan häm Törkiyäneñ üz ilenä qarşı berläşüen belderde.

"Yedioth Ahronot" gazetına söylägän, iseme açıqlanmağan İzrail räsmiye 3 il tarafınnan 7 avgustta imzalanğan Mäkkä urtaq saqlanu kileşüe belän bäyle bularaq: "Bu kileşü bezne borçuğa sala. Bu — İzrailgä qarşı qorılğan ittifaq," — dide.

Mäkkä urtaq saqlanu kileşüeneñ kiñräk maştablı regional' üzgäreşne çağıldıruın bilgeläp ütkän İzrail räsmiye tübandägeçä däwam itte: "İzrailneñ iñ başta Greśiya häm Kiprdan toruçı Êllin küçäre belän ber rättän Hindstan häm Berläşkän Ğaräp Ämirlekläre belän al'ternativ ittifaqlar qoruı kiräk."

Räsmi zat äytüençä İzrail "bik, bik köçle" bulırğa häm başqa illärne üzenä bäylärgä tiyeş, İzrailgä gaskärne nığıtu öçen zur programma kiräk.

Törkiyä — İzrail öçen "borçu çığanağı"

Törkiyä häm ilbaşı Räcäp Tayyip Ärdoğannıñ İzrail öçen "borçu çığanağı" buluın beldergän räsmi zat: "Törkiyä häm Ärdoğan mäs'äläse qurqınıç," — dide.

İzrailneñ diaspora ministrı Çikli da Mäkkä urtaq saqlanu kileşüennän qanäğätsezlegen belderep, Soğud Ğaräbstanınıñ Törkiyä belän bergä êş başqara başlawın İzrail küzlegennän bik naçar üzgäreş dip bäyälägän ide.