Utnı tuqtatu kileşüeneñ ikençe êtabı belän bäyle söyläşülär däwam itkändä İzrail Ğazzädä ber tuyğa höcüm itte.

Mediŝina çığanaqlarına kürä İzrail artilleriyase Ğazzäneñ könçığışında ber tuy waqıtında mäktäptäge sıyınu urınına ut açtı.

Mediŝina häm cirle çığanaqlarğa kürä İzrail utnı tuqtatu kileşüen bozıp, Ğazzägä oyıştırğan höcümnärdä 6 fälästinlene üterde. Alardan berse – xatın-qız.

Çığanaqlar “Anadolu” agentlığına belderü yasap, İzrail köçläreneñ Ğazzäneñ könçığışındağı Ät-Tuffah mäxälläsendä sıyınu urını bularaq qullanılğan ber mäktäpne bombalağannan soñ yaqtı dönyadan kitüçelärneñ Äl-Ahli Baptist xastaxanäsenä ozatıluın ctkerde.

Şahitlar äytüençä ber İzrail tankı sıyınu urınına yädrä ırğıtqan häm bu höcüm ülemnärgä kitergän. İzrail köçläre waqıyğa urınına aşığıç yärdäm maşinaları häm grajdanlılarnı yaqlaw törkemnären ike sägättän artıq kertmägän.

Şahitlar häm cirle çığanaqlar sıyınu urınında tuynıñ uzuın açıqladı.

Yortsız qalğan fälästinlelär dä höcüm oyıştırılğan urında bulğan.

Älege höcüm Qatar, Misır häm Törkiyä wäkilläre utnı tuqtatu kileşüeneñ ikençe êtabı belän bäyle söyläşülärne AQŞta alıp barğanda oyıştırıldı.

Donald Trampnıñ Yaqın Könçığış maxsus wäkile Stiv Uitkoff häm qalğan yuğarı däräcäle AQŞ räsmi zatları Mayamida kileşüneñ ikençe êtabına qağılışlı söyläşülärgä başlıysı ide.

Ğazzäneñ sälamätlek saqlaw ministrlığına kürä utnı tuqtatu kileşüennän birle kimendä 395 keşe ülde, 1088 keşe yaralandı.