Törkiyä ilbaşı Räcäp Tayyip Ärdoğan, Rusiyä-Ukraina suğışı belän bäyläneşle axırğı höcümnärne xäterlätep, Qara diñgezdäge säwdä häm tınıç korablarnıñ maqsat itep alınuınıñ berkemgä dä fayda kitermäyäçäge mäsäläsendä kisätte.
Sişämbe könne Änkarada oyıştırılğan 16nçı İlçelär kiñäşmäsendä çığış yasap, Ärdoğan bu höcümnärneñ Qara diñgezdäge xäräkät iminlegenä yanawın häm Änkaranıñ bu mäsälädäge kisätülären ike yaqqa da (Rusiyä häm Ukraina) citkerüen belderde.
Törkiyä monnan alda üz iqtisadıy töbägendäge korablarğa höcümnärneñ qabul itelmäyäçägen beldergän ide.
Ärdoğan Törkiyäneñ üz mänfäğatlären yaqlaw häm qardäşlärenä yärdäm qulı suzu öçen köçle bulaçağın assızıqladı.
Ğazzägä gumanitar yärdäm häm İzrailneñ Süriyä säyäsäte
Ärdoğan, Törkiyäneñ krizis töbäklärenä gumanitar häm diplomatik adımnarına tuqtalıp, Änkaranıñ, barlıq çikläwlärgä qaramastan, Ğazzägä 103 meñ tonnadan artıq yärdäm iltüen citkerde. “Ğazzädä bik küp ana, xatın-qız häm bala änilären, ätilären, tormış iptäşlären êzli yäisä alarnıñ yazmışların açıqlarlıq xäbär kötä”,-dide ul.
Ärdoğan Tel-Avivnıñ Süriyägä qarata höcümçel ğamälläre turında da söyläde. Ul Bäşşar Äsädneñ tüntärelüennän soñ yaña idarä wazıyfağa kereşkän, arğan ildä xäzerge waqıtta iminlek häm totrıqlılıqnıñ qarşındağı iñ zur kirtä İzrail buluın äytte. İlbaşı Törkiyädäge süriyäle sıyınuçılardan illärenä qaytuçılarnıñ sanınıñ 580 meñgä citüen, totrıqlılıq täêmin itelgänçä üzläre teläp kitüçelärneñ artaçağın citkerde.
