Milli küzläw oyışması ütkärgän operaśiya näticäsendä Törkiyäneñ Räyhanlı rayonında 2013 yılda 53 keşe ülgän terror höcümen başqarğan süriyäle Ğomär äl-Xatipne diñgez aşa Awrupağa qaçarga tırışqanda totqarladı.
Qızıl töstäge byulleten belän êzlängän Ğomär äl-Xatip Räyhanlıda höcümnärne planlaştıru häm oyıştıruda qatnaşqan.
Ğomär äl-Xatip kem?
Ğomär äl-Xatip 1976 yılda Süriyäneñ İdlib töbägendä tuğan. Dimäşktäge 14 nçe diviziyada xärbi xezmättän soñ İdlibtä tözeleş êşläre belän şöğıllängän.
2011 yılda Süriyädä êçke qarşılıqlar başlaw belän ul Lataqiägä kitä. Bäşar Äsadka bäyle xärbi küzläw bülege bulğan “Ämn Äl Askeri”dä oppoziśiyağa qarşı qorallı êşçänlek başqarğan “Şebbiha” törkemenä quşıla häm “Ämn Äl Askeri”neñ ul waqıttağı Lataqiädäge bülek räise Kifah Melhem belän tanışa.
Biredä yäşägän waqıtta Ğomär äl-Xatip Räyhanlıda höcümnär oyıştıruçılar belän tanışa. Lataqiädä anıñ belän ber villada yäşägän Cängiz Sertäl, Ärcan Bayat häm Yusuf Nazik belän Lataqiä häm Käsäb töbäklärendä kontrabanda êşçänlege belän şöğıllängän.
Räyhanlı höcümnären bergä planlaştırdılar
Ğomär äl-Xatip Törkiyägä qarata plannar tözegän Yusuf Nazikne Kifah Melhem belän 2013 yılda oçraştırdı. Höcüm plannarınııñ centeklären dä şul oçraşularda bilgelädelär.
2013 yılnıñ mayında Hatay aşa Törkiyägä kerep, höcüm urınnarı bilgelände. Lataqiädäge Kifah Melhemnän röxsät aldılar.
Bomba töyälgän maşina Tämir Dükancı häm Yosıf Nazik tarafınnan Räyhanlığa alıp barıldı häm yıraqtan idarä itelä torğan bomba caylanması yärdämendä şartlatıldı.
Äsad rejimı tarafınnan büläkländelär
Höcümnärdän soñ Ğomär äl-Xatip Suriägä qaçqan Tämir Dükancı häm Yusuf Nazikne “Ämn Äl Askeri”neñ Lataqiädäge bülegenä kiterde. Ğomär äl-Xatip häm höcümne başqarğan başqa keşelär Bäşar Äsad rejimı tarafınnan zur külämdä aqça belän büläklängän.
Milli küzläw oyışması adım sayın küzätte
Milli küzläw oyışması Räyhanlıdağı höcümnän soñ höcümçelärne êläkterü öçen êşkä kereşte.
Ğomär äl-Xatip Awrupağa qaçarğa cıyınğanda Milli küzläw oyışması tarafınnan totqarlanıp Törkiyägä kiterelde.
Höcümne oyıştırğan häm planlaştırğan Yusuf Nazik 2018, Cängiz Sertäl 2024, Möxämmäd Dib Koralı häm Temir Dükancı 2025 yıllarda totqarlandılar.
Räyhanlıda höcüm oyıştırırğa boyırğan general-leytenant Kifah Melhem isä 2024 yılnıñ fevralendä Bäşar Äsad tarafınnan Milli qurqınıçsızlıq departamentı başlığı itep bilgelände. Kifah Melhemneñ Äsad rejimı bärep töşerelgännän soñ çit ilgä qaçuı bilgele.
