Hindstan Başministrı Narendra Modi atnakiçen Awstraliyägä säfäre waqıtında uran belän täêmin itü kileşüenä qul quyuın häm ileneñ atom-töş ênergiyäse maqsatlarında möhim rol uynayaçaq yağulıq çığanağın ışanıç astına aluın belderde.
Dönyada iñ küp xalıq yäşägän Hindstanda êlektr ênergiyäsenä çiksez ixtıyac belän oçraşqan Modi aldağı yıllarda atom-töş ênergiyäse citeşterüne sizelerlek külämdä arttırırğa planlaştıruın iğlan itte.
Awstraliyä dönyadağı uran çığanaqlarınıñ yaqınça 28%ına iyä bulsa da qanuni kirtälär häm säyäsi sizgerleklär Hindstanğa êksportnı totqarlağan ide.
Modi Awstraliyäle wazıyfadaşı Êntoni Albaniz belän ütkärgän söyläşüdän soñ: “Bügen atom-töş ênergiyäse mäs’äläsendä möhim kileşügä qul quydıq. Bu kileşü Awstraliyädän Hindstanğa uran täêminatınıñ mömkinlegen açaçaq häm çista ênergiyä maqsatlarıbızğa yaña êtärgeç biräçäk”, - dip äytte.
Telgä alınğan êkspot Xalıqara atom ênergiyäse agentlığı bilgelägän qurqınıçsızlıq çaraları qısalarında başqarılaçaq.
