Gomernıñ mäşhür  dastannarı “İliada” häm “Odisseya”dan ilhamlanıp  äzerlängän “Troya” tamaşası tarixi atmosferada  tamaşaçılarğa täq’dim itelde.

Ber ük waqıtta 3 meñnän artıq biyü xäräkäte häm 300 professional’ biyüçe çiratlaşıp çığış yasağan tamaşada  xalıq biyüläre, balet häm zamança biyü ürnäkläre kürsätelde.

Tamaşa rejisserı Mostafa Ärdoğan jurnalistlarğa beldergänçä, Aspendosta “Troya” tamaşasın säxnäläşterü  ike rivayätneñ oçraşuın añlata.

Ärdoğan “Troya” tamaşasın 2008 yıldan birle dönyanıñ küp illärendä säxnägä quyuların belderep bolay dide: “Awrupada quyğan tamaşalarda ayıruça Troya buyınça belgeç arxeologlar anı dönyadağı iñ döres , iñ tögäl  Troya interpretaśiyäse dip bäyälädelär.  Çönki bez Gomer yazğannarğa bik tuğrı qalabız. Troyanıñ Çanakkalädä, Anadoluda buluın häm anıñ Anadolu mädäniyäteneñ ber öleşe buluın Anadolu biyüläre aşa kürsätäbez. Arxeologik häm tarixi yaqtan iñ döresen täqdim itärgä tırışabız.”

Ärdoğan şulay uq Troya turında töşerelgän fil’mnarda älege mädäniyätneñ Anadolu mädäniyäte buluı turında äytelmäwen bilgeläp ütte.