Törkiyä ilbaşı Räcäp Tayyip Ärdoğan Livan däwlät başlığına Törkiyäneñ Livannıñ iminlegen täêmin itäçäk xalıqara mexanizmnarnı xuplarğa äzer buluın äytte.

Ärdoğan belän Livan ilbaşı Jozef Aun ike yaqlı mönäsäbätlärne häm regional mäs’älälärne qaradı.

Törkiyäneñ êlemtä räislegennän yasalğan belderügä kürä Ärdoğan sişämbe könne ütkärgän telefon söyläşüendä Törkiyäneñ härwaqıt Livannıñ totrıqlılıq häm möstäqıyllege yaqlı buluın äytte, şulay uq ike ilneñ säwdä häm investiśiya ölkälärendä zur potenśialğa iyä buluın açıqladı.

Änkara citäkçelegeneñ Livan iminlegen täêmin itäçäk xalıqara mexanizmnarda wazıyfa başqarırğa härwaqıt äzer buluın beldergän ilbaşı Törkiyäneñ Livannan Kipr törekläreneñ xoquq häm mänfäğatlären yaqlawçı totış kötüen dä citkerde.

Ärdoğan töbäktäge täraqqıyätlärgä dä tuqtalıp, Süriyädäge zur üzgäreşneñ töbäk totrıqlılığına öleş kertüe öçen Törkiyäneñ xuplaw kürsätergä däwam itäçägen assızıqladı.

Belderüdä şulay uq Ärdoğannıñ İzrailneñ Livanğa qarağan agressiv totışın kire qağuı urın aldı.

İzrail häm Livan ber yıldan artıq barğan çik aryağındağı höcümnärdän soñ 2024 yılnıñ noyabrendä utnı tuqtatu kileşüen tözegän ide. höcümnärdä 4 meñnän artıq keşe ülde, 17 meñ keşe yaralandı.

İzrail ğaskäriläreneñ kileşügä kürä ğıynwar ayında Livannıñ könyağınnan çigenüe kiräk ide läkin bu barı tik öleşçä çınğa aştı. İzrail çik buyındağı 5 iminlek bülekçäsennän kitmi.