Paqıstan saqlanu ministrı Xavadja Möxämmäd Asif “Reuters”ka belderü yasap, İslamabad belän Qabul citäkçelekläre arasındağı utnı tuqtatu kileşüeneñ Äfğanstandağı Taliban citäkçelegeneñ Paqıstanğa çik aryağınnan höcümnär oyıştıruçı suğışçılarnı kontroldä tota aluına bäyle buluın äytte.
Könyaq Aziyadağı ike kürşe il Talibannıñ 2021 yılda Qabul xakimiyätenä kilüennän birle barlıqqa kilgän häm distälägän keşeneñ ğomeren özgän köçle bäreleşlärdän soñ atna azağında Doxada utnı tuqtatuda kileşte.
Ministr Asif äfğan wazıyfadaşı Molla Möxämmäd Yakub belän alıp barğan söyläşülärne küz uñında totıp: “Äfğanstannan kiläçäk härtörle höcüm bu kileşüne bozaçaq,” – dide.
Ministr Paqıstan, Äfğanstan, Törkiyä häm Qatar qul quyğan yazmaça kileşüdä çik buyında ut açuğa röxsät birelmäw turında açıq räweştä citkerelüen äytte.
Qabul citäkçelege isä Paqıstanğa höcümnär oyıştıruçı suğışçılarnı yäşerep totunı kire qağa häm Paqıstan armiyasen Äfğanstan totrıqlılığın häm möstäqıyllegen zäğıyflätü maqsatı belän yalğan mäğlüm taratuda ğayepli.
