Xalıqara xezmät oyışmasınıñ yäşlärne êşkä urnaştıru xisabına kürä 15-24 yäştägelär arasında global êşsezlek küläme 2024 yılğı 12,3% däräcäsennän 2025 yılda 12,4%ka kütärelde.

Barlığı 67 million yäş keşe êşsez qaldı.

Ber ük waqıtta uqımawçı da, êşlämäwçe dä yäşlärneñ küläme beraz kütärelep, 20%ka citte häm 257 millionnı uzıp kitte.

Xalıqara xezmät oyışması yäşlärdä êşsezlek külämeneñ 2026 häm 2027 yıllarda 12,3% däräcäsendä saqlanaçağın farazlıy.

Bu tuqtap qaluğa qaramastan, oyışma wäkilläre borçuların belderde. Xalıqara xezmät oyışmasınıñ êşkä urnaştıru säyäsätläre bülege wäkile Sara Elder êşsezlek küläme belän uqımawçı da, êşlämäwçe dä yäşlär külämeneñ ber ük waqıtta waqıtta kütärelüe qurqınıç buluın añlata dide.

2023-2025 yıllarda dönyadağı 11 töbäkneñ 8endä yäşlär êşsezlegendä üseş küzätelde. İñ yuğarı üseş Tönyaq Amerika, Tönyaq Afrika belän Tönyaq, Könyaq häm Könbatış Awrupada küzätelde.

Yasalma intellekt êşkä urnaşudağı mömkinleklärgä täêsir itä

Xisapta iqtisadi üseştäge äkrenäyü, citärsez êş urınnarı, geosäyäsi kiyerenkelekär häm texnologik üzgäreşlärneñ tizlege arqasında yäşlärneñ êşkä urnaşu krizisınıñ kilüe turında kisätü yasala.

Texnologik üseşlär, ayıruça yasalma fähem yäşlärneñ êş tabu mömkinleklären turıdan-turı üzgärtä.