Nigeriya armiyase ilneñ tönyaq-könçığışında ütkärelgän operaśiyadä "Boko Haram"nıñ güyä citäkçese belän oyışmanıñ 10 äğzaseneñ üterelüen belderde.
Armiya yasağan açıqlawda operaśiyaneñ yäkşämbe könne Borno vilayätendäge Sambisa urmanında ütkärelüen citkerde. Üterelgän güyä lidernıñ "Boko Haram"nıñ ikençe komandirı Äbu Xalit buluı belderelde.
Äbu Xalitneñ qanunsız oyışma êçendä möhim rol uynawı, Sambisa liniyase buyınça logistik êşçänleklär häm terror höcümnären koordinaśiyaläwe açıqlandı.
Açıqlawda Nigeriya ğaskäriläre arasında yuğaltularnıñ bulmawı äytelde, tönyaq-könçığıştağı urman cirlegendä terrorğa qarşı köräş operaśiäläreneñ däwam itüe assızıqlandı.
Nigeriyadä 2000nçe yıllar başınnan birle payda bulğan "Boko Haram" terror oyışması 2009nçı yıldan bügengä qadär oyıştırğan höcümnärdä 10 meñlägän keşe ülde.
Keşe xoquqların küzätüçelär "Boko Haram" höcümnärendä hälak buluçılardan kübeseneñ möselmannar ikänen belderä.
Räsmi zatlarğa kürä oyışma 2015nçe yıldan birle kürşe Kamerun, Çad häm Nigerda da höcümnär oyıştırdı. Çad küle basseynı buylap kim digändä 2 meñ keşe bu höcümlärdä yaqtı dönyadan kitte.
Töbäktäge terror höcümläre häm däwam itüçe bäreleşlär arqasında yöz meñnärçä keşe üz yortların taşlap kitärgä mäcbür buldı.
