Törkiyä Transport häm asqorma ministrı Abdulkadir Uraloğlu cirle proyekt belän Törkiyäneñ sudnolar tözü êşxanälärendä täwge tapqır yasalğan “UAB MAVİ VATAN” isemle suırtu sälätenä iyä tiränäytü köymäseneñ suğa töşerelüen belderde. Köymä berniçä aylıq diñgez täcribäsennän soñ faydalanuğa tapşırılaçaq.
Törkiyäneñ köymä êşxanälärendä täwge tapqır
Ministr Uraloğlu “UAB MAVİ VATAN”nıñ êşläp çığarıluı barışı turındağı belderüendä: “Berençe blok êretep yabıştırıluı 2025nçe yılnıñ 10nçı aprel könne yasalğan yaña tördäge suırtu üzençälekle diñgez töben küzätüçe köymäbez “UAB MAVİ VATAN”nı suğa töşerdek. Cirle proyekt belän Törkiyäneñ köymä tözü êşxanälärendä täwge tapqır suırtu sälätenä iyä tiränäytü köymäsen êşläp çığardıq”, - dip äytte.
Ozınlığı 85 metr, sıydırışlılığı 2 meñ kub metr
“UAB MAVİ VATAN”nıñ texnik üzençälekläre turında mäğlümat birüçe Uraloğlu: “Köymäbez 85 metr ozınlıqqa, 20 metr skanerlaw tiränlegenä häm 2 meñ kub metr sıydırışlılıqqa iyä. Bigräk tä qultıqlarıbızdağı küzätep tiränäytü häm çistartu êşlären Ministrlığıbızğa bäyle üz milli köymäbez belän başqara alaçaqbız”, - dip äytte.
Xäräkät waqıtında skanerlaw êşlären başqara ala
Qorabnıñ tulı avtomatizaśiyä funkśiyäsenä iğtibarnı yünältüçe Uraloğlu: ““UAB MAVİ VATAN” tulı avtomatizaśiyä üzençälege arqasında xätta säyäxät waqıtında da tikşerülär ütkärä alaçaq. Berniçä aylıq diñgez sınawlarınnan soñ ber köymäbezne faydalanuğa tapşıraçaqbız”, - dip belderde.
