İzrail armiyäse çärşämbe könne yasağan belderüendä planlaştırılğan höcümnär aldınnan Livannıñ könyağındağı 12 awıl xalqın yortların tiz arada öylärennän kitü turında kisätte.

İzrail armiyäse süzçese Aviçay Adraee ğaräpçä yasağan bu kisätüneñ Kawthariyet al-Siyad, al-Ghassaniyeh, Mazraat al-Daoudiyeh, Bdeias, Rihan, Zellaya, al-Bazouriyeh, Harouf, Habboush, Ansariyeh, Qallawiyah häm Deir al-Zahrani awılları xalqına qağıla dip belderde häm bolay dide: “Öyläregezdän  tiz аrаda  kitegez häm kim digändä 1.000 metr yıraqlıqta urnaşqan açıq urınnarğa barığız”.

Adraee êvakuaśiya turındağı kisätüneñ planlaştırılğan höcümnär aldınnan yasaluın iskärtte.

17 aprel’dä iğ’lan itelgän häm 17 mayğa qadär ozaytılğan utnı tuqtatuğa qaramastan, İzrail armiyäse kön sayın Livanğa höcümnären häm distälägän awılda yortlarnı cimerüne däwam itä.

Soñğı räsmi sannarğa qarağanda, 2 marttan birle İzrailneñ Livanğa qarşı höcümnärendä 2702 keşe hälaq bulğan, 8311 keşe yaralanğan häm 1,6 millionnan artıq keşe yäşägän cirlärennän küçenep kitkän.

İzrail Livannıñ könyağında qayber töbäklärne distä yıllar däwamında, ä qayberlären 2023–2024 yıllardağı suğış waqıtında yawlap aldı; xäzerge bäreleşlär waqıtında isä könyaq çigennän yaqınça 10 kilometrğa qadär êçkä kergän.