Pänceşämbe könne açıqlanğan mäğ’lümatlarğa qarağanda, Törkiyä Cömhüriyäte Üzäk bankınıñ räsmi xalıqara rezervları 16 nçı ğıynwarğa berençe tapqır 200 milliard dollardan arttı.
Bank xäbär itüençä, rezervlar 4,6%qa, yäğ’ni 9,1 milliard dollarğa artıp, uzğan atnadağı 196,1 milliard dollardan 205,2 milliard dollarğa citte.
Konvertaśiyälänä torğan çit il valyutası rezervları annan êlekke atnağa qarağanda 6,7%qa artıp 76,4 milliard dollarğa kütärelde.
Banknıñ altın rezervları şul uq çorda 3,7%qa artıp 121 milliard dollar täşkil itte.
Törkiyä finans ministrı Mäxmät Şimşäk ğamälgä aşırılğan programma yärdämendä tulayım rezervlar yaqınça 107 milliard dollarğa artıp 205,2 milliard dollarğa citte dip belderde.
“Svoplarnı isäpkä almağanda, çista rezervlarnıñ artuı 139,3 milliard dollar täşkil itte. Bez xalıqara standartlarğa turı kiterep rezervlar citärlelegenä ireştek”,-dip yazdı Şimşäk “NSosyal” sośial’ media platformasında.
Ul şulay uq 143 milliard dollarlıq şartlı yöklämälärdän çığu prośessın tämamlawların häm monıñ valyuta poziśiyäsendä barlığı 280 milliard dollardan artıq ğomumi yaxşıruğa kiterüen äytte.
“Makrofinans totrıqlılığınıñ nığuı bezneñ qurqınıç premiyäsen kimetügä sizelerlek öleş kertä häm iq’tisadıbıznı şoklarğa qarşı çıdamlı itä”,-dip östäde Mäxmät Şimşäk.
