Tawışlarnıñ 84,5%ı sanalğannan soñğı näticälär kürsätkänçä, xakimiyättäge  blok 54, oppozitsiya blogı isä 49 urın alğan.

Xäzerge wäzğıyättä  xakimiyättäge Likud partiäse 27 urın , Êyzenkotnıñ Yaşar partiyäse isä 22 urın belän ikençe urında .

İzrail watandaşları bulğan fälästinlelärne wäkillek itüçe partiyälär barlığı 17 urın alğan.

Urtaq isemlekneñ 11, Mansur Abbas citäkçelegendäge Raam partiyäseneñ 6 urın aluı kötelä.

Oppozitsiya yağında êlekkege premyer-ministrlar Naftali Bennett häm Yair Lapidnıñ “Bergä isemlege” 12, Avigdor Libermannıñ “İzrail — bezneñ yortıbız” partiyäse 7, Yair Golan citäkçelegendäge Demokratlar partiyäse isä 8 urın alır dip kötelä.

İzrail matbuğatı här partiyäneñ alğan urınnar sanınıñ tawışlarnı sanap betergännän soñ üzgärä aluın, läkin ğaräplär şulqadär küp urın alğanlıqtan, Netanyaxu blogı da, Êyzenkot citäkçelegendäge oppoziśiya dä koaliśiya tözü öçen kräkle küpçelek tawışnı ala almayaçaq dip belderä.