Baltıyq ile Êstoniyädä parlament yurist Ülle Madisene yaña Däwlät başlığı itep sayladı.

Yaña İlbaşın saylaw öçen 101 urınlı Êstoniyä Parlamentında tawışqa quyu ütkärelde.

Yäşeren tawış birüdä berdänber namzät bularaq yarışqan Madise, 71 tawış cıyıp, yaña Däwlät başlığı bulıp saylandı.

Üzenä kürsätelgän yaqlaw häm ışanıç öçen räxmäten belderüçe Madise: "Min bu ışanıçnı aqlaw öçen bar köçemne quyarmın. Ber-berebezne añlap, kiräk bulğanda qatı bäxäsläşsäk tä, ber-berebezgä yärdäm itep, Êstoniyä öçen bergäläp zur uñışlarğa ireşä alırbız häm Êstoniyä bäxetle, çäçäk atuçı häm qurqınıçsız ilgä äyläner, dip ömetlänäm”, - dide.

51 yäşendäge xoquqçı Madise 2015nçe yıldan birle Êstoniyäneñ konstituśion küzätçelek häm ombudsmen idaräseneñ yustiśiyä kanślerı wazıyfasın başqara ide.

Madise, 12nçe üktäbrdä ant itep, 5 yıllıq wazıyfasına räsmi räweştä başlayaçaq.

Êstoniyäneñ xäzerge İlbaşıü Alar Karis wazıyfasına ikençe tapqır namzät bulmayaçağın beldergän ide.