Törkiyäneñ hawa yulı şirkätläre Yaqın Könçığıştağı kiyerenkelek arqasında İran, Ğıyraq, Süriyä, Livan häm Yordaniyağa barlıq oçqıç säfärlären 6 martka qadär tuqtattı.
Transport häm infrastruktura ministrı Abdulkadir Uraloğlu räsmi zatlarnıñ wäzğiyatne yaqınnan küzätep baruın häm aviaŝiya iminlegen täêmin itü öçen çaralar kürüen belderde.
Ministr Uraloğlu äytüençä İran, İzrail, Ğıyraq, Qatar, Baxreyn, Küväyt, Yordaniya häm Süriyäneñ könyağında hawa kiñlekläre räsmi räweştä yabıq.
Oman, Soğud Ğaräbstanınıñ ber öleşe häm Livanda isä grajdanlık oçışları däwam itä
“Emirates” belän “Etihad Airways” reyslarınıñ düşämbe könne yañadan başlanuı planlaştırıla.
Abdulkadir Uraloğlu Tährandağı İmam Humeyni isemendäge xalıqara hawa mäydanında “Törek hawa yulları”nıñ ber oçqıçı belän ber “Pegasus” oçqıçınıñ qaluın belderde.
