Ğazzädä 10nçı oktyabrdä ğamälgä kergän utnı tuqtatu kileşüennän birle İzrail köçläreneñ 97 fälästinlene üterüe, 230 keşene yaralawı belderelde. Şul isäptän, yäkşämbe könne genä dä kileşüne 21 tapqır bozu oçrağı terkälgän.

Ğazzä Xökümäteneñ media ofisı belderüendä "İzrail okkupatsiyäse utnı tuqtatu iğlan itelgännän birle 80 dokumentlaştırılğan qanun bozu oçrağı başqardı, bu xalıqara gumanitar xoquqka açıqtan-açıq qarşı kilä" dielä.

Belderüdä äytelgänçä, bu qanun bozular turıdan-turı tınıç xalıqqa ut açu, artilleriyä utı, maxsus höcümnär, "ut qırşawları" buldıru häm tınıç xalıqnı totqarlaw kebek ğamällärne üz êçenä ala.

İzrail köçläre bu höcümnärne başqaru öçen xärbi maşinalar, toraq rayonnar çitendä urnaştırılğan tanklar, yıraqtan torıp höcüm itü sistemaları belän cihazlanğan êlektron krannar, oçqıçlar häm dronnar qullanğan, dip äytelä belderüdä.

"Bu qanun bozular Ğazzäneñ barlıq cirleklärendä terkälgän, bu isä basıp aluçı köçneñ utnı tuqtatu kileşüenä buysınmawın häm bezneñ xalıqqa qarşı üterü häm qurqıtu säyäsäten däwam itüen raslıy," diyelä belderüdä.

Ğazzä xökümäte İzrail köçlären bu qanun bozular öçen tulısınça cawaplı dip sanıy häm Berläşkän Millätlär Oyışması belän kileşü garantyerların bu bozularnı tiz arada tuqtatu öçen çaralar kürergä çaqıra.

Fälästin törkeme “Xamas” häm İzrail arasında AQŞ ilbaşı Donald Tramp täqdim itkän plan nigezendä tözelgän utnı tuqtatu kileşüe 10 oktyabrdä ğamälgä kerde.

Bu kileşü İzrail köçläreneñ äkrenläp çigenüen, totqınnarnı almaşu häm humanitar yärdämneñ kiçekmästän kertelüen küzdä tota.

Bu kileşü Ğazzädä soñğı ike yıl däwam itkän häm 68 meñnän artıq fälästinleneñ ğömeren özgän, yaqınça 170 meñ keşene yaralağan häm Ğazzäneñ infrastrukturasın cimergän suğışnı tuqtatu maqsatın quya.