Törkiyä saqlanu sänäğate räislege başlığı Haluk Görgün beldergänçä, Törkiyäneñ saqlanu häm aviaśiya êksportı ğıynwar – noyabr’ çorında yıllıq bazada 30%qa artıp 7,4 milliard dollarğa citte.
Görgün pänceşämbe könne “NSosyal” platformasında Törkiyäneñ saqlanu häm aviaśiya êksportınıñ 2025 nçe yılnıñ noyabrendä uzğan yılnıñ şul uq çorı belän çağıştırğanda 22%qa artıp 747 million dollarğa citüen citkerde.
“Bu temp belän bezneñ tarmaq noyabr’ ayındağı üseş belän genä tügel, ä yıl däwamındağı kürsätkeçlär belän dä yaña rekord quydı. Nibarı 11 aylıq êksport kürsätkeçläre xäzergä çaqlı yıllıq bazadağı iñ yuğarı kürsätkeçlärne uzıp kitte”,- dide ul.
Ul tarmaqnıñ yuğarı östämä qıymmätle êşlänmälärdä totrıqlı üseşkä ireşüen, êksportın kiñäytüen häm global’ bazarlarda köndäşlegen tağın da arttıruın belderde.
“Törkiyä saqlanu sänäğate citeştergän, kamilläştergän häm êksportlağan köçle êkosistema belän üz yulın däwam itä”,- dide saqlanu sänäğate başlığı Haluk Görgün.
